芋香海鹽椰奶金瓜煲

秋天到，要食時令蔬菜非芋頭莫屬。家中自煮，做出滋味煲仔素菜，可以配搭椰漿、南瓜和淡奶，簡單用海鹽、蔥和蒜調味，只需要三十分鐘，就做到酒家水準。

雨季時買了本地急凍南瓜放冰格，今次加上#梧洞河周生 種植的本地靚芋頭，輕鬆用兩款本地食材煮出美味餸菜。除了本地南瓜，也可以用日本南瓜，味道都一樣好。

椰漿和花奶，是不少甜品的好配搭。加入香蔥、蒜和鹽煮成餸菜，鹹食又別有一番風味。早幾年在凱悅軒食過，單點要港幣二百幾。學識自己煮，在家中做，大約五、六十蚊就食到！

之前食開另一隻牌子的椰漿。去超市見到Daisy減價，12蚊有2罐，試過原來味道不錯，而且添加劑也比較少。食得過！

今次要兩一斤芋頭，有兩個，每個大約300克，份量剛好
放了幾天水份收乾後，芋頭味更香濃

材料：

芋頭 300克

南瓜 250克

蔥 2棵

蒜 2瓣

椰漿 200毫升

淡奶 40毫升

水 150毫升

海鹽 半茶匙

切開就有芋頭香味

先炒香蔥白部份，也可以用紅蔥代替

做法：

1 芋頭洗過，抹乾後去皮切件；南瓜洗好，抹乾切開，清除瓤和籽，再切成件

2 蔥洗好抹乾，分開蔥白和青蔥，切成段；蒜切碎

3 燒熱鑊，倒入油之後炒香蔥白，倒入室溫水煮滾，先放入芋頭煮5分鐘

4 放入南瓜和蒜，合上鍋蓋開中火煮5分鐘，夾起蔥白

5 轉小火，一邊倒入椰漿和淡奶一邊攪拌，加入海鹽拌勻，煮滾後加入青蔥，熄火後再灑上蔥花即成

咬開見到好粉，好好味！